Search

Uyghur United Clasico


The first team we’ll be introducing is Uyghur United Clásico FC. This team was created in 2019 and consists of former players from Uyghur United FC and Taklimakan FC. Since there are over 60-70 players from the Washington DC Uyghur community, they decided to expand into 3 different teams: Uyghur United FC and Uyghur United Classico FC in Virginia, and Uyghur FC in Maryland.


1. What are some of your favourite memories as a team?

Going out of state compete in tournaments against other Uyghur teams is super exciting and an amazing experience for us. Meeting new Uyghur soccer players and learning about the Uyghur communities in new location is very interesting and fun. It’s also a great opportunity for all of us to see each other once a year, United in one place.


2. What’s your favourite thing about the Uyghur American Cup?

Chance of us to bond with each other. When we were younger it was easier for us to do team activities and travels. However, as we are getting older and married and having our own families, it becomes more challenging to travel often with our soccer teammates. So, this once-a-year tournament is a great opportunity to meet each other and spend quality time as a team.


3. What do the team players do outside of soccer?

In Uyghur United Classico FC, the majority of the players work in the IT industry as developers, QA software engineers, and more. We also have few entrepreneurs who have started their own businesses such as Uyghur restaurants, IT schools, and so on. We have some players who are in medical field as well.


‎بىز تونۇشتۇرماقچى بولغان تۇنجى پۇتبول كوماندىسى بولسا “ئۇيغۇر بىرلەشمە كلاسسىك كوماندىسى“. بۇ كوماندا 2019-يىلى قۇرۇلغان بولۇپ، “ئۇيغۇر بىرلەشمە كوماندىسى” ۋە “تەكلىماكان كوماندىسى”نىڭ سابىق توپچىلىرىدىن تەركىب تاپقان. ۋاشىنگتون رايونىدا توپقا قىزىقىدىغان ياشلاردىن 60-70-تىن ئارتۇق بولغانلىقى ئۈچۈن، ئۇلار ۋىرجىنىيەدىكى “ئۇيغۇر بىرلەشمە كوماندىسى”، “ئۇيغۇر بىرلەشمە كلاسسىك كوماندىسى” ۋە مەرىلەند ئىشتاتىدىكى “ئۇيغۇر پۇتبول كوماندىسى”دىن ئىبارەت 3 كوماندىغا بۆلۈنگەن.


‎1. كوماندىدىكى سەپداشلىرىڭىز بىلەن ئۆتكۈزگەن سىز ئەڭ ياخشى كۆرىدىغان ئەسلىمىلىرىڭىز نېمە؟

‎ ئۆز ئىشتاتىمىزدىن چىقىپ، باشقا ئۇيغۇر كوماندىلىرى بىلەن بولغان مۇسابىقىگە قاتنىشىش بىز ئۈچۈن ناھايىتى ھاياجانلىق ۋە گۈزەل ئەسلىمە. بۇ جەرياندا يېڭىدىن يېتىشىپ چىقىۋاتقان ئۇيغۇر پۇتبولچىلىرى بىلەن كۆرۈشىمىز ۋە شۇ جايلاردىكى ئۇيغۇر جامائىتىنىڭ ئەھۋالى بىلەن تونۇشۇش پۇرسىتىگىمۇ ئىگە بولىمىز. ھەممەيلەن ئۈچۈن يىلدا بىر قېتىم يىغىلىپ كۆرۈشۈش ناھايىتى ئەھمىيەتلىك ئىش.


‎ 2. ئۇيغۇر ئامېرىكا لوڭقىسىدا ئەڭ ياخشى كۆرىدىغان نەرسىڭىز نېمە؟

‎بىزنىڭ ئۆز-ئارا باغلىنىش پۇرسىتىمىز. ياش ۋاقتىمىزدا، بىز ئۈچۈن گۇرۇپپا پائالىيىتى تەشكىللەش ۋە سەپەر قىلىش ئاسان ئىدى. ئەمما، ياشنىڭ چوڭىيىشىغا ئەگىشىپ، بولۇپمۇ توي قىلىپ، ئائىلە قۇرغاندىن كېيىن، پۇتبول سەپداشلىرىمىز بىلەن سەپەرگە چىقىش تېخىمۇ قىيىنغا چۈشمەكتە. شۇڭا، يىلدا بىر قېتىم ئۆتكۈزۈلىدىغان بۇ مۇسابىقە ئۆز-ئارا ئۇچرىشىش ۋە بىر كوماندا سۈپىتىدە سەپداشلىرىمىز بىلەن ئەھمىيەتلىك ۋاقىت ئۆتكۈزۈشنىڭ ياخشى بىر پۇرسىتى.


‎ 3. سىلەرنىڭ كوماندا ئەزالىرى پۇتبولدىن سىرت نېمە ئىشلار بىلەن شۇغۇللىنىدۇ؟

‎ “ئۇيغۇر بىرلەشمە كلاسسىك كوماندىسى”دا، توپچىلارنىڭ كۆپىنچىسى كومپيۇتېر ساھەسىدە ئىشلەيدۇ. ئۇنىڭدىن سىرت، ئاشخانا خوجايىنلىرى، شىركەت ئاچىدىغانلار ۋە ئىگىلىك تىكلىگۈچىلەرمۇ بار. مېدىتسىنا ساھەسىدە ئىشلەيدىغان ئەزالىرىمىزمۇ ھەم بار.


Биз тонуштурмақчи болған тунҗи путбол командиси болса “Уйғур Бирләшмә Классик Командиси“. Бу команда 2019-нчи жили қурулған болуп, “Уйғур Бирләшмә Командиси” вә “Тәклимакан Командиси”-ниң сабиқ топчилиридин тәркип тапқан. Вашингтон районида топқа қизиқидиған яшлардин 60-70-дин артуқ болғанлиғи үчүн, улар Вирҗинийәдики “Уйғур Бирләшмә Командиси”, “Уйғур Бирләшмә Классик Командиси” вә Мәриләнд штатидики “Уйғур Путбол Командиси”-дин ибарәт 3 командиға бөлүнгән.


1. Командидики сәпдашлириңиз билән өткүзгән сиз әң яхши көридиған әслимилириңиз немә?

Өз штатимиздин чиқип, башқа уйғур командилири билән болған мусабиқигә қатнишиш биз үчүн наһайити һаяҗанлиқ вә гөзәл әслимә. Бу җәриянда йеңидин йетишип чиқиватқан уйғур путболчилири билән көрүшимиз вә шу җайлардики уйғур җамаитиниң әһвали билән тонушуш пурситигиму егә болимиз. Һәммәйлән үчүн жилда бир қетим жиғилип көрүшүш наһайити әһмийәтлик иш.


2. Уйғур Америка Лоңқисида әң яхши көридиған нәрсиңиз немә?

Бизниң өз-ара бағлиниш пурситимиз. Яш вақтимизда, биз үчүн группа паалийити тәшкилләш вә сәпәр қилиш асан еди. Амма, яшниң чоңийишиға әгишип, болупму той қилип, аилә қурғандин кейин, путбол сәпдашлиримиз билән сәпәргә чиқиш техиму қийинға чүшмәктә. Шуңа, жилда бир қетим өткүзүлидиған бу мусабиқә өз-ара учришиш вә бир команда сүпитидә сәпдашлиримиз билән әһмийәтлик вақит өткүзүшниң яхши бир пурсити.


3. Силәрниң команда әзалири путболдин сирт немә ишлар билән шуғуллиниду?

“Уйғур Бирләшмә Классик Командиси”-да, топчиларниң көпинчиси компьютер саһәсидә ишләйду. Униңдин сирт, ашхана хоҗайинлири, ширкәт ачидиғанлар вә егилик тиклигүчиләрму бар. Медицина саһәсидә ишләйдиған әзалиримизму һәм бар.

23 views0 comments