Search

Kamila Mametova: Music teacher & Mentor

Updated: Apr 21




Kamila Mametova is a music teacher, event coordinator, journal editor and mentor, whose latest project culminates in the form of Clever Uyghur, a trivia contest where people have fun, educate themselves, get inspired, and benefit all Uyghur people!


Based in Almaty, Kazakhstan, Kamila was the first-place winner of the 37th Republican Musical Competition in 2010 for flute, and continues her musical background as a music teacher.


Furthering her interest in education, Kamila became an editor of the TAMOS Times school journal at the TAMOS Education school, Cambridge department. She is also a mentor at the UNICARE volunteer club where she promotes children’s rights with UNICEF support, and she has fundraised for children with special needs in Ken Zhurek and Ray of Light charity foundations. During the pandemic, she started an eco-masks project on the use of reusable masks and the disposal/collection of single-use masks.


Her work with children allowed her to follow trends, continue to develop, and have an optimistic outlook on life. Figuring that it would engage her students more, she began an intellectual club – Clever Uyghur. Starting in 2021, the club has hosted multiple trivia events with many participants joining with great enthusiasm. Well done and we hope to see numbers swell in the future!


Kamila wants to put more effort into bringing attention to talented Uyghurs whose gifts have been neglected or who have been shunned from the spotlight. She hopes to make every Uyghur proud of themselves, and is working towards letting the wider community in Kazakhstan know how talented and advanced her community is!



كامىلە مەمەتوف مۇزىكا ئوقۇتقۇچىسى، پائالىيەت تەشكىللىگۈچى، ژۇرنال تەھرىرى ۋە يېتەكلىگۈچىسى. ئۇنىڭ ئەڭ يېڭى تۈرى Clever Uyghur (ئەقىللىق ئۇيغۇر) بولۇپ، بۇ بىر كىشىلەر كۆڭۈل ئاچىدىغان، ئۆزىنى تەربىيەلەيدىغان، ئىلھاملاندۇرىدىغان ۋە بارلىق ئۇيغۇر خەلقىگە نەپ يەتكۈزىدىغان كىچىك تىپتىكى مۇسابىقە ئويۇن!

قازاقىستاننىڭ ئالمۇتا شەھرىدە تۇرۇشلۇق كامىلە 2010-يىلى 37-نۆۋەتلىك جۇمھۇرىيەت مۇزىكا مۇسابىقىسىدە نەي چېلىشتا بىرىنچى بولغان، ھەمدە مۇزىكا ئوقۇتقۇچىسى سۈپىتىدە مۇزىكا ھاياتىنى داۋاملاشتۇرغان.


كامىلەنىڭ مائارىپقا بولغان قىزىقىشى تېخىمۇ كۈچىيىپ، كامبرىج تارمىقىدىكى TAMOS مائارىپ مەكتىپىدىكى TAMOS Times مەكتەپ ژۇرنىلىنىڭ تەھرىرى بولغان. ئۇ يەنە UNICARE پىدائىيلار كۇلۇبىنىڭ يېتەكچىسى، ئۇ بۇ يەردە UNICEF نىڭ قوللىشى بىلەن بالىلارنىڭ ھوقۇقىنى قوغداشقا ياردەملەشكەن ھەم كېن جۇرەك ۋە نۇر خەير-ساخاۋەت فوندى جەمئىيىتىدىكى ئالاھىدە ئېھتىياجلىق بالىلارغا ئىئانە توپلاش پائالىيىتى ئېلىپ بارغان. يۇقۇملۇق كېسەل مەزگىلىدە ئۇ قايتا ئىشلىتىشكە بولىدىغان ماسكا ئىشلىتىش ۋە بىرلا قېتىم ئىشلىتىلىدىغان ماسكىلارنى بىر تەرەپ قىلىش / يىغىش توغرىسىدا ئېكولوگىيىلىك ماسكا تۈرىنى باشلىغان.


ئۇنىڭ بالىلار بىلەن بولغان خىزمىتى ئۇنىڭ جەمىيەتكە ماسلىشىپ، داۋاملىق تەرەققىي قىلىشقا ۋە تۇرمۇشقا ئۈمىدۋار قاراشقا تۈرتكە بولدى. ئۇ تېخىمۇ كۆپ ئوقۇغۇچىلارنى جەلپ قىلىشنى ئويلاپ، ئەقلىي كۇلۇب - Clever Uyghur كۇلۇبىنى قۇرۇپ چىققان. 2021-يىلدىن باشلاپ ، بۇ كۇلۇب كۆپ كىچىك پائالىيەتلەرنى ئۆتكۈزگەن، نۇرغۇن قاتناشقۇچىلار ناھايىتى قىزغىنلىق بىلەن قاتناشقان. ياخشى قىلدىڭىز كامىلە، بۇنىڭدىن كېيىن قاتناشقۇچىلارنىڭ تېخىمۇ جىقلىشىنى ئۈمىد قىلىمىز!


كامىلە تالانتلىرىغا سەل قارالغان ھەم خەلق ئىچىدە نام چىقارمىغان تالانتلىق ئۇيغۇرلارغا سەھنە ھازىرلاپ بېرىشكە تېخىمۇ جىق كۈچ چىقىرىشنى خالايدۇ. ئۇ ھەر بىر ئۇيغۇرنى ئۆزىدىن پەخىرلىنىشىنى ئۈمىد قىلىدۇ، ھەمدە قازاقىستاندىكى كەڭ جەمئىيەتكە ئۇيغۇر خەلقىنىڭ قانچىلىك قابىلىيەتلىك ۋە تەرەققىي قىلغانلىقىنى بىلدۈرۈش ئۈچۈن تىرىشىۋاتىدۇ!



Камилә Маметова музика оқутқучиси, паалийәт тәшкиллигүчи, журнал тәһрири вә йетәклигүчиси. Униң әң йеңи түри Clever Uyghur болуп, бу бир кишиләр көңүл ачидиған, өзини тәрбийәләйдиған, илһамландуридиған вә барлиқ уйғур хәлқигә нәп йәткүзидиған кичик типтики мусабиқә ойун!

Қазақистанниң алмута шәһридә турушлуқ камилә 2010-йили 37-нөвәтлик жумһурийәт музика мусабиқисидә нәй челишта биринчи болған, һәмдә музика оқутқучиси сүпитидә музика һайатини давамлаштурған.


Камиләниң маарипқа болған қизиқиши техиму күчийип, камбриж тармиқидики TAMOS маарип мәктипидики TAMOS Times мәктәп журнилиниң тәһрири болған. У йәнә UNICARE пидаийлар кулубиниң йетәкчиси, у бу йәрдә UNICEF-ниң қоллиши билән балиларниң һоқуқини қоғдашқа ярдәмләшкән һәм кен журәк вә нур хәйр-сахавәт фонди жәмийитидики алаһидә еһтийажлиқ балиларға ианә топлаш паалийити елип барған. Юқумлуқ кесәл мәзгилидә у қайта ишлитишкә болидиған маска ишлитиш вә бирла қетим ишлитилидиған маскиларни бир тәрәп қилиш / йиғиш тоғрисида екологийилик маска түрини башлиған.


Униң балилар билән болған хизмити униң жәмийәткә маслишип, давамлиқ тәрәққий қилишқа вә турмушқа үмидвар қарашқа түрткә болди. У техиму көп оқуғучиларни жәлп қилишни ойлап, әқлий кулуб - Clever Uyghur қуруп чиққан. 2021-жилдин башлап , бу кулуб көп кичик паалийәтләрни өткүзгән, нурғун қатнашқучилар наһайити қизғинлиқ билән қатнашқан. Яхши қилдиңиз Камилә, буниңдин кейин қатнашқучиларниң техиму жиқлишини үмид қилимиз!


Камилә талантлириға сәл қаралған һәм хәлқ ичидә нам чиқармиған талантлиқ уйғурларға сәһнә һазирлап беришкә техиму жиқ күч чиқиришни халайду. У һәр бир уйғурни өзидин пәхирлинишини үмид қилиду, һәмдә қазақистандики кәң жәмийәткә уйғур хәлқиниң қанчилик қабилийәтлик вә тәрәққий қилғанлиқини билдүрүш үчүн тиришиватиду!






19 views0 comments