Hello Sedirdin!


بۈگۈن تونۇشىدىغىنىمىز تۈركىيىدە تۇرۇشلۇق 18 ياشلىق ئوقۇغۇچى سەدىردىن!


1. ھازىر تۇرۇۋاتقان شەھىرىڭىزنى تەسۋىرلەپ بېرەلەمسىز؟

مەن ئاڭلاۋاتقان ئىستانبۇل دېگەن ناخشىغا ھەممىسى يوشۇرۇنغان. كۆزلىرىم يۇمۇلدى، ئالدى بىلەن يېنىك شامال چىقىدۇ، دەرەخلەر ئاستا-ئاستا تەۋرەيدۇ: خىيالىم مېنى يىراق- يىراقلارغا ئېلىپ كېتىدۇ. كۆك رەڭدىن باشقا، ئىستانبۇل مېنىڭچە بىپايان ئاسمىنى ۋە ئۈمىدكە تولغان دېڭىزى بار بىر شەھەر.


2. سىز يېقىندا ئۆگەنگەن ياكى ھېس قىلغان ئەڭ مۇھىم دەپ قارىغان ئىش قايسى؟

مەن ھەرقانچە كۆپ نەرسە بىلسىمۇ، كەمتەربولۇشنىڭ ياخشى بىر پەزىلەت ئىكەنلىكىنى ھېس قىلدىم. ئەمەلىيەتتە ھەقىقىي بىلىملىك كىشىلەرنىڭ ئاز سۆزلەيدىغانلىقىنى، باشقىلارنىڭ ئالدىدا بىلىمىنى كۆز-كۆز قىلمايدىغانلىقىنى ئۆز كۆزۈم بىلەن كۆردۈم. بۇنىڭدىن باشقا مەن ھەممە ئىشنىڭ پەقەت بىر تەجرىبە ئىكەنلىكىنى ھېس قىلدىم. باشقىلارنىڭ باھاسىغا بەك ئەھمىيەت بېرىشنىڭ روھىمغا ئېلىپ كېلىدىغان زىيىنىنى بايقىدىم ۋە ئاخىرىدا مەن ئۆزۈم بولۇشنى تاللىدىم!


3. سىزنىڭ يېقىنقى مەزگىلدە ئىشقا ئاشۇرۇشنى كۆزلىگەن نىشانلىرىڭىز بارمۇ؟

مەن تەسىر كۈچى بار ئادەملەر بىلەن تونۇشۇشنى، قابىلىيىتىمنى ئاشۇرۇشنى ۋە پۇرسەتلەر كەلگەندە چىڭ تۇتالىشىمنى ئۈمىد قىلىمەن.

ئۇنىڭدىن باشقا مەن يەنە مۇھىت قوغداشتا بىر كىشلىك تۆھپەمنى قوشۇشنى، كۆز قارىشىمنى دادىللىق بىلەن ئوتتۇرىغا قويالايدىغان بولۇشنى ئارزۇ قىلىمەن.


‏@Sedrdndol ئارقىلىق ئىنستىگرامدا سەدىردىنغا ئەگىشىڭ!


Introducing Sedirdin, 18, a student based in Turkey!


1. How would you describe the city you live in?

I listen to the sounds of Istanbul. I close my eyes and feel it’s soft breeze, the faint sway of the trees, and my thoughts take me to faraway places. Apart from the colour blue, Istanbul is a city with the most limitless skies and most hope filled seas.


2. What is the most important lesson you have learned recently?

I’ve learned that no matter how knowledgeable you are, it’s best to stay humble. I’ve noticed that those who are the most learned speak less, and don’t show off their education in front of others. Apart from that I’ve learned that everyone has unique experiences. I realised paying too much attention to how people judged me was harmful to my soul and I’ve decided to just be myself!


3. What are your short term goals?

I am hoping to meet change-makers, improve my skills, and take on every opportunity that comes my way. Additionally, I’d like to do my part in protecting the environment, and be able to boldly express my opinions.


Follow Sedirdin on Instagram at @sedrdndol


Бүгүн тонушидиғинимиз Түркийәдә турушлуқ 18 яшлиқ оқуғучи Сәдирдин!


1. Һазир туруватқан шәһириңизни тәсвирләп берәләмсиз?

Мән аңлаватқан Стамбул дегән нахшиға һәммиси йошурунған. Көзлирим жумулди, алди билән йеник шамал чиқиду, дәрәхләр аста-аста тәврәйду: хиялим мени жирақ-жирақларға елип кетиду. Көк рәңдин башқа, Стамбул мениңчә бепаян асмини вә үмүткә толған деңизи бар бир шәһәр.


2. Сиз йеқинда үгәнгән яки һес қилған әң муһим дәп қариған иш қайси?

Мән һәрқанчә көп нәрсә билсиму, кәмтәр болушниң яхши бир пәзиләт екәнлигини һес қилдим. Әмәлийәттә һәқиқий билимлик кишиләрниң аз сөзләйдиғанлиғини, башқиларниң алдида билимини көз-көз қилмайдиғанлиғини өз көзүм билән көрдүм. Буниңдин башқа мән һәммә ишниң пәқәт бир тәҗрибә екәнлигини һес қилдим. Башқиларниң баһасиға бәк әһмийәт беришниң роһимға елип келидиған зийинини байқидим вә ахирида мән өзәм болушни таллидим!


3. Сизниң йеқинқи мәзгилдә ишқа ашурушни көзлигән нишанлириңиз барму?

Мән тәсир күчи бар адәмләр билән тонушушни, қабилийитимни ашурушни вә пурсәтләр кәлгәндә чиң туталишимни үмүт қилимән.

Униңдин башқа мән йәнә муһит қоғдашта бир кишлик төһпәмни қошушни, көз қаришимни дадиллиқ билән оттуриға қоялайдиған болушни арзу қилимән.


@sedrdndol арқилиқ инстаграмда Сәдирдинға әгишиң!


0 views0 comments