Search

Hello Mokhinur!


Introducing Mokhinur, 28, a Master's student in Political Science at Mannheim University, based in Uzbekistan!


1. How would you describe the city you live in?

Tashkent is my beautiful hometown. I associate this city with the sun, trees and lovely people who are warm and hospitable. Here you can find authentic bazaars and historical museums.


2. What are you passionate about?

I love travelling and meeting new people. I am passionate about gender equality and human rights. For many years I have been serving my local community as a volunteer and social activist.


3. How have you spent the last year?During the pandemic I decided to spend most of my time on personal and professional development. I started studying at Mannheim University. Also, I participated in various online programs on Peace, Human Rights and Gender equality. I met so many interesting people from around the world. So, the last year was quite fruitful for me.


4. What is the most important lesson you have learnt recently?

That we all have to believe in ourselves. That we can live the life we dream of. That we must always count on ourselves. That health and family are our biggest assets. That it’s important to take care of our parents and cherish every moment with them.


You can follow Mokhinur on LinkedIn at Mokhinur Bosakova



بۈگۈن تونۇشىدىغىنىمىز28 ياشلىق ئۆزبېكىستاندا تۇرۇشلۇق مانخېيىم ئۇنىۋېرسىتېتىنىڭ سىياسىي پەنلەر بويىچە ماگىستىر ئاسپىرانت ئوقۇغۇچىسى ماھىنۇر.


1.ئۆزىڭىز تۇرىۋاتقان شەھەرنى قانداق تەسۋىرلەيسىز؟

تاشكەنت مېنىڭ گۈزەل يۇرتۇم. مەن بۇ شەھەرنى قۇياش، دەل-دەرەخلەر، قىزغىن ھەم مېھماندوست كەلگەن سۆيۈملۈك كىشىلەر بىلەن باغلايمەن. تاشكەنتە ھەقىقىي بازار ۋە تارىخى مۇزېيلارنىمۇ تاپالايسىز.


2. سىز نېمىلەرگە قىزىقىسىز؟

مەن ساياھەت قىلىشنى ۋە يېڭى كىشىلەر بىلەن تونۇشۇشنى ياخشى كۆرىمەن. مەن يەنە جىنسىي باراۋەرلىك ۋە كىشىلىك ھوقۇققا ئىنتايىن قىزىقىمەن. ئۇزۇن يىللاردىن بۇيان مەن پىدائىي ۋە ئىجتىمائىي پائالىيەتچى سۈپىتىدە يەرلىك مەھەللىدە ئىش قىلىپ كەلدىم.


3. ئۆتكەن بىر يىلنى قانداق ئۆتكۈزدىڭىز؟

يۇقۇملۇق مەزگىلدە مەن ۋاقتىمنىڭ كۆپ قىسمىنى ئۆزەمنىڭ شەخسىي ۋە كەسپىي تەرەققىياتىغا سەرپ قىلىشنى قارار قىلدىم. بۇ مەزگىلدە مەن مانخېم ئۇنىۋېرسىتېتىدا ئوقۇشقا باشلىدىم، ۋە شۇنداقلا تىنچلىق، كىشىلىك ھوقۇق ۋە جىنسىي باراۋەرلىك توغرىسىدىكى توردىكى ھەر خىل پائ‍الىيەتلەرگە قاتناشتىم. دۇنيانىڭ ھەرقايسى جايلىرىدىن كەلگەن ھەرخىل كىشىلەر بىلەن كۆرۈشتۈم. شۇڭا ئۆتكەن بىر يىل مەن ئۈچۈن خېلى مول نەتىجىلىك بولدى.


4. سىز يېقىندا ھېس قىلغان، مۇھىم دەپ قارىغان نەرسە نېمە؟

مەنچە ئەڭ مۇھىم بولغىنى ھەممىمىزنىڭ ئۆزىمىزگە ئىشىنىشىمىز، يەنى بىز ئارزۇ قىلغان ھاياتنى ياشىيالايدىغانلىقىمىزغا ۋە بۇنىڭغا ئۆزىمىزگە تايىنىپ ئېرىشەلەيدىغانلىقىمىزغا ئىشىنىش. يەنە بىرسى بولسا ساغلاملىق ۋە ئائىلە بىزنىڭ ئەڭ بۈيۈك مۈلكىمىز. ئاتا-ئانىمىزنىڭ ھالىدىن خەۋەر ئېلىش ۋە ئۇلار بىلەن كەچۈرگەن ھەر بىر دەقىقىنى قەدىرلەش ناھايىتى مۇھىم.


Linkedin دا ماھىنۇرغا ئەگىشىڭ: Mokhinur Bosakova



Бүгүн тонушидиғинимиз 28 яшлиқ Өзбәкистанда турушлуқ Манхейим университетиниң сиясий пәнләр бойичә магистир аспирант оқуғучиси Маһинур.


1. Өзиңиз туруватқан шәһәрни қандақ тәсвирләйсиз?

Ташкәнт мениң гөзәл юртум. Мән бу шәһәрни қуяш, дәл-дәрәхләр, қизғин һәм меһмандост кәлгән сөйүмлүк кишиләр билән бағлаймән. Ташкәнтә һәқиқий базар вә тарихий музейларниму тапалайсиз.


2. Сиз немиләргә қизиқисиз?

Мән саяһәт қилишни вә йеңи кишиләр билән тонушушни яхши көримән. Мән йәнә җинсий баравәрлик вә кишилик һоқуққа интайин қизиқимән. Узун жиллардин буян мән пидаий вә иҗтимаий паалийәтчи сүпитидә йәрлик мәһәллидә иш қилип кәлдим.


3. Өткән бир жилни қандақ өткәздиңиз?

Жуқумлуқ мәзгилдә мән вақтимниң көп қисмини өзәмниң шәхсий вә кәспий тәрәққиятиға сәрп қилишни қарар қилдим. Бу мәзгилдә мән манхем университетида оқушқа башлидим, вә шундақла тинчлиқ, кишилик һоқуқ вә җинсий баравәрлик тоғрисидики тордики һәр хил па‍алийәтләргә қатнаштим. Дунияниң һәрқайси җайлиридин кәлгән һәрхил кишиләр билән көрүштүм. Шуңа өткән бир жил мән үчүн хели мол нәтиҗилик болди.


4. Сиз йеқинда һес қилған, муһим дәп қариған нәрсә немә?

Мәнчә әң муһим болғини һәммимизниң өзимизгә ишинишимиз, йәни биз арзу қилған һаятни яшиялайдиғанлиғимизға вә буниңға өзимизгә тайинип еришәләйдиғанлиғимизға ишиниш. йәнә бирси болса сағламлиқ вә аилә бизниң әң бүйүк мүлкимиз. Ата-анимизниң һалидин хәвәр елиш вә улар билән кәчүргән һәр бир дәқиқини қәдирләш наһайити муһим.


Linkedin-да Маһинурға әгишиң: Mokhinur Bosakova

18 views0 comments