Search

Hello Manzire!


بۈگۈن تونۇشىدىغىنىمىز بىلگىيەدە تۇرۇشلۇق ئوقۇغۇچى 24 ياشلىق مەنزىرە!


1. ھازىر تۇرۇۋاتقان شەھىرىڭىزنى تەسۋىرلەپ بېرەلەمسىز؟ گېنت ماڭا بىرىنچى بۇلۇپ مەلۇم دەرىجىدە مەنسۇپلۇق تۇيغۇسى ئاتا قىلغان شەھەر. مەن كورلىدا كۆنچى دەرياسى بويىدا چوڭ بولغان. نۇرغۇن تۇغقانلىرىمىزنىڭ ئۆيى قاراشەھەر قايدۇ دەرياسىنىڭ بويىدا ئىدى. شۇڭا يازدا گېنتتىكى دەريا بويىدا ماڭسام سۇنىڭ پۇرىقى، ئۇچۇپ يۈرگەن كۇمۇرتىلار، ھەتتا يول بويىدىكى كوچا چىرىقىمۇ ماڭا كورلىنى ئەسلىتىدۇ. گېنت بىر كىچىك شەھەر. چوڭ شەھەرلەردەك قالايمىقانچىلىقلار يوق، بىخەتەر. ئادەملىرى (ئاساسەن) ئىنتايىن ئاقكۆڭۈل ۋە سەمىمىي. تونىمايدىغان ئادەملەر بىلەن ئىشەنچ ئورناتقىلى بولىدۇ. بەلكىم بۇمۇ كورلىدىكى بىخەتەر كىچىك ئۇيغۇر چەمبىرىكىگە ئوخشىسا كېرەك؟!


بۇ سۇئال بىلەن مۇناسىۋەتسىز بىر ھېسسىياتىم: مەن ئىستانبۇلدا بىر مەزگىل تۇرغاندىن كېيىن گېنتقا كۆچۈپ كەلگەن. ھازىر مەۋسۈم ئاياغلاشقاندا يازلىق تەتىلدە ئىستانبۇلغا قايتىپ دوستلىرىم ۋە ئىنىم بىلەن كۆرۈشۈشنى ئويلىسام ئۆزۈمنى شۇنداق بەختلىك ھېس قىلىمەن. چۈنكى ئالدىنقى قېتىم بۇنداق ھاياجانلىق ھېسسىياتقا چۆمۈلۈشۈم 5-6 يىللار بۇرۇن بولغان ئىدى. مەن ئۆزۈمنىڭ ياخشى كۆرىدىغان شەھىرىدە تۇرىدىغىنىم ۋە تەتىلدە قايتالايدىغان بىر يەرنىڭ بولغانلىقى ئۈچۈن ئۆزۈمنى بەكلا تەلەيلىك ھېس قىلىمەن ۋە باشقا ھەممە دوستلۇرۇمنىڭ بۇ خىل ھاياجانلىق ھېسسىياتقا ئېرىشەلىشىگە دۇئا قىلىمەن.


2. سىزنى ئېلھاملاندۇرىدىغان، ئالغا ئىلگىرلىتىدىغان كۈچ نېمە؟ مەنچە دادام. كىچىكىمدىن دادام مىنى ‘يولۋاسخان’ دەپ ئەركىلىتىپ چاقىراتتى. ئوغۇللارنى قىزلاردىن ئارتۇق ھېساپلايدىغان قاتمال ئىدىيىلەر بار جەمئىيەتتە ماڭا كۆپىنچە قىزلاردىن كۈتۈلگەن ئۆلچەملەر بىلەن بىلەن شەرت قويمايتى. ئەمما بۇ دادامنىڭ ئەر-ئاياللار باراۋەرلىكىنى تەشەببۇس قىلغۇچى بولغىنى ئۈچۈن ئەمەس بەلكى ماڭا ئىشەنگەنلىكىدىن بولغان دەپ قارايمەن. دادامدا ماڭا بولغان ئاجايىپ ۋە كەسكىن بىر ئىشەنچ بار. بۇ ئىشەنچنى يەردە قويسام بولمايدۇ ۋە شۇنىڭ ئۈچۈن ئىنتايىن كۆڭلۈم توق ھالدا ئالغا ئىنتىلەلەيمەن، كۈچ ئالالايمەن ۋە بۇ خىل ئىشەنچ ھىچ بىر شەكىلدە ماڭا بېسىم ئېلىپ كەلمەيدۇ. ئەكسىچە مېنى داۋاملىق ئۆزۈم ياخشى كۆرىدىغان ئىشنى ياخشى قىلىش ئۈچۈن، يەنى ئۆزۈمنى خۇشال ۋە مەمنۇن قىلىش ئۈچۈن تېرىشتۇرىدۇ. مەنچە ئاتا-ئانىلارنىڭ بالىلىرىغا بۇ خىل ئىشەنچنى بېرەلىشى ئىنتايىن مۇھىم.


3. سىز يېقىندا ھېس قىلغان، مۇھىم دەپ قارىغان نەرسە نېمە؟ بىر ئىشتا ئاسانلا بەل قويۇۋەتمەڭ. بۈگۈن بەك تەس بولدى دەپ قارىغان بىر كۈن چوقۇم كەلگۈسىدىكى ئەڭ ئاسان بىر كۈن بولۇپ قالىدۇ. ھەممە ئىش تەس، شۇڭا ئەڭ ياخشىسى تەس تەس دەپ قاقشاپ بولۇپ ئىشنى داۋام قىلىڭ. ھەر قانداق سەۋەپ بىلەن يېرىم يولدا تاشلاپ قويغان ئىش ھەر دائىم ئەڭ چوڭ پۇشايمان ئېلىپ كىلىدۇ.



[Hello Tarim] Introducing Manzire, 24, a student based in Belgium!


1. Can you describe the city you currently live in? Ghent is the first city that has given me a sense of belonging. I grew up near Könchi River in Korla. Many of my relatives lived near Qaydu River in Qarasheher. So I’m reminded of Korla during my summer walks along the river in Ghent, the fragrance of its waters, the insects buzzing around, even the lamp posts along the path. Ghent is a small city. It’s safe, with none of the chaos of larger cities. The people are (mostly) kind and friendly. You can place your trust in strangers. Perhaps, isn’t it just like the small, safe, Uyghur area in Korla?!


Off-topic: I moved to Ghent after living in Istanbul for a while. When I think of finishing this semester and going to visit my friends and little brother in Istanbul for summer vacation, I feel so lucky. Because the last time I felt this full of excitement was 5-6 years ago. I feel so fortunate to be living in a city I love, and to have a place to return to during holidays. I pray that all my friends will be able to feel this level of excitement as I do.


2. What inspires you the most? I think my dad. Growing up, he’d always call me “Tiger-ess”. Despite a society with rigid ideas that favour boys over girls, he did not impose many of the expectations that were usually required from girls. But I think that was because he believed in me, not because he believed in gender equality. My dad has this fierce and extraordinary faith in me. I can’t throw that faith away, and with it, I can gain so much strength, and move forward with full confidence. It’s a kind of faith that does not burden me at all. On the contrary, it allows me to do the things that I enjoy doing, the things that make me happy and satisfied, and to do them well. I think it’s really important that parents believe in their children like this.


3. What is an important lesson you have learned recently? Don’t get discouraged too easily. The days you find difficult now will seem like some of the easiest in the future. Everything is difficult, so the best thing to do is to complain and then just keep working on it. No matter what, the biggest regrets are the things you’ve left halfway done.



Бүгүн тонушидиғинимиз Белгийәдә турушлуқ оқуғучи 24 яшлиқ Мәнзирә!


1. Һазир туруватқан шәһириңизни тәсвирләп берәләмсиз? Гент маңа биринчи булуп мәлум дәриҗидә мәнсуплуқ туйғуси ата қилған шәһәр. Мән корлида Көнчи дәрияси бойида чоң болған. Нурғун туққанлиримизниң өйи Қарашәһәр Қайду дәриясиниң бойида еди. Шуңа язда Генттики дәрия бойида маңсам суниң пуриғи, учуп жүргән кумутилар, һәтта йол бойидики коча чириғиму маңа Корлини әслитиду. Гент бир кичик шәһәр. Чоң шәһәрләрдәк қалаймиқанчилиқлар йоқ, бехәтәр. Адәмлири (асасән) интайин ақкөңүл вә сәмимий. Тонумайдиған адәмләр билән ишәнч орнатқили болиду. Бәлким буму Корлидики бехәтәр кичик уйғур чәмбиригигә охшиса керәк?!


Бу соал билән мунасивәтсиз бир һессиятим: мән Истанбулда бир мәзгил турғандин кейин Гентқа көчүп кәлгән. Һазир мәвсүм аяқлашқанда язлиқ тәтилдә Истанбулға қайтип достлирим вә иним билән көрүшүшни ойлисам өзүмни шундақ бәхтлик һес қилимән. Чүнки алдинқи қетим бундақ һаяҗанлиқ һессиятқа чөмүлүшүм 5-6 жиллар бурун болған еди. Мән өзәмниң яхши көридиған шәһиридә туридиғиним вә тәтилдә қайталайдиған бир йәрниң болғанлиғи үчүн өзәмни бәкла тәләйлик һес қилимән вә башқа һәммә достлиримниң бу хил һаяҗанлиқ һессиятқа еришәлишигә дуа қилимән.


2. Сизни илһамландуридиған, алға илгирлитидиған күч немә? Мәнчә дадам. Кичигимдин дадам мени ‘йолвасхан’ дәп әркилитип чақиратти. Оғулларни қизлардин артуқ һесаплайдиған қатмал идейиләр бар җәмийәттә маңа көпинчә қизлардин күтүлгән өлчәмләр билән шәрт қоймайти. Амма бу дадамниң әр-аяллар баравәрлигини тәшәббус қилғучи болғини үчүн әмәс бәлки маңа ишәнгәнлигидин болған дәп қараймән. Дадамда маңа болған аҗайип вә кәскин бир ишәнч бар. Бу ишәнчни йәрдә қойсам болмайду вә шуниң үчүн интайин көңлүм тоқ һалда алға интиләләймән, күч алалаймән вә бу хил ишәнч һеч бир шәкилдә маңа бесим елип кәлмәйду. Әксичә мени давамлиқ өзәм яхши көридиған ишни яхши қилиш үчүн, йәни өзәмни хошал вә мәмнун қилиш үчүн тириштуриду. Мәнчә ата-аниларниң балилириға бу хил ишәнчни берәлиши интайин муһим.


3. Сиз йеқинда һес қилған, муһим дәп қариған нәрсә немә? Бир ишта асанла бәл қоювәтмәң. Бүгүн бәк тәс болди дәп қариған бир күн чоқум кәлгүсидики әң асан бир күн болуп қалиду. Һәммә иш тәс, шуңа әң яхшиси тәс-тәс дәп қахшап болуп ишни давам қилиң. Һәр қандақ сәвәп билән йерим йолда ташлап қойған иш һәрдаим әң чоң пушайман елип килиду.

1 view0 comments