Gulnigar Naman: Professional Acrobat & Teacher


Gulnigar Naman is an acrobat currently based in Kristiansin, Norway.


Her interest in the performing arts started when she was five years old, where she began lessons at the XUAR Acrobatic School. In addition to her schooling, she spent around three years of additional training to become a professional circus performer.


Gulnigar then worked as a professional performer for six years, and her team decided to create a theatrical performance called “Hello, Mr. Nasreddin”. This was based on Nasreddin Hodja, who was a controversial and comedic figure in Central Asian history, known for his critical outlook on establishments, religious figures and authority, conveyed through humour. The show was performed almost 350 times, and became very well known within East Turkestan, and they were even able to perform in Beijing, Shanghai, and Hong Kong.


She arrived in Norway in 2011, where she started to work as an assistant teacher. After performing in a large-scale performance in Norway, she was invited to compete in Norway’s Got Talent 2014. Her motivation for her performances was to introduce Uyghurs to the world; her clothing had etles patterns and her music choices were Uyghur as well. She was able to pass through the first and second round, however she was eliminated after the 3rd. Despite this, she found the judges to be encouraging, and that people around her had actually started to learn about who Uyghurs were.


After competing on the show, she started to perform in different theatres, and in 2019 she started a personal project called “Gulnigar’s Diary”. This was a performance detailing how she started in the circus and became an artist. The tickets for her show sold out (congrats!), and she is now working on expanding the story, wanting to bring the Uyghur arts and culture to more people.


In addition to this, she has opened an acrobatic studio as well! You can also watch her vlogs on her YouTube channel.



She was also recently interviewed in the second episode of WeGhur Stories, which you can listen to here: https://www.weghurstories.com/episode-2


Congratulations on the incredible success in your career, Gulnigar!



گۈلنىگار نامان ھازىر نورۋېگىيەنىڭ كىرىستىيانساندا ياشاۋاتقان بىر سېرىكچى.


ئۇنىڭ سېرىككە بولغان قىزىقىشى بەش ياش ۋاقتىدىن باشلانغان بولۇپ، شىنجاڭ ئۇيغۇر ئاپتونوم رايونلۇق سېرىك مەكتىپىدە ئوقۇشقا كىرگەن چېغىدىن باشلاپلا بىخ تارتقان. ئۇ مەكتەپتە ئوقۇغاندىن باشقا، ئۈچ يىل ئەتراپىدا قوشۇمچە مەشىق دەرسلىرىنى ئېلىپ كەسپىي سېرك ئارتىسىغا ئايلانغان.


كېيىن گۈلنىگار ئالتە يىل كەسپىي سېرىكچى بولۇپ ئىشلىگەن. بۇ جەرياندا گۇرۇپپىسىدىكىلەر بىلەن بىرلىكتە «ياخشىمۇسىز، نەسىردىن ئەپەندى» ناملىق سەھنە تىياتىر ئەسىرىنى ئىجاد قىلىشنى قارار قىلغان. نەسىردىن ئەپەندى بولسا ئوتتۇرا ئاسىيا تارىخىدىكى قىزىق نۇقتا ۋە كومېدىيىلىك شەخس بولۇپ، بېخىل بايلار، دىنىي زاتلار ۋە ھوقۇقپەرەسلەرگە بولغان تەنقىدىي كۆز قارىشى بىلەن جەمئىيەتكە تونۇلغان. بۇ سەھنە تىياتىرى ئىلگىرى-كېيىن بولۇپ 350 قېتىمغا يېقىن ئورۇنلانغان بولۇپ، شەرقىي تۈركىستان ئىچىدە داڭق چىقارغان. ئۇلار ھەتتا بېيجىڭ، شاڭخەي ۋە خوڭكوڭدا ئويۇن قويۇش پۇرسىتىگىمۇ ئىگە بولغان.


ئۇ 2011-يىلى نورۋېگىيەگە كەلگەن ۋە ئۇ يەردە ياردەمچى ئوقۇتقۇچى بولۇپ ئىشلەشكە باشلىغان. نورۋېگىيەدە ئۆتكۈزۈلگەن كەڭ كۆلەملىك بىر ئويۇندا نومۇر ئورۇنلاش پۇرسىتىگە ئېرىشكەندىن كېيىن، ئۇ نورۋېگىيەنىڭ 2014 - يىللىق تالانت سەھنىسىدە مۇسابىقىسىگە قاتنىشىشقا تەكلىپ قىلىنغان. ئۇنىڭ ئويۇن قويۇشتىكى مۇددىئاسى ئۇيغۇرلارنى دۇنياغا تونۇشتۇرۇش بولغاچقا، ئۇنىڭ كىيىم-كېچەكلىرىدە ئۇيغۇر ئەتلىسى، ئىشلەتكەن مۇزىكىلىرىدىمۇ ئۇيغۇرچە ئېلېمېنتلار بار ئىدى. ئۇنىڭ ئورۇنلىغان نومۇرلىرىدىن بىرىنى بۇ ئۇلىنىشتىن كۆرەلەيسىز: https://www.youtube.com/watch?v=64-AoKcoHXc

ئۇ بۇ مۇسابىقىدە بىرىنچى ۋە ئىككىنچى ئايلانمىدىن ئۆتۈپ، ئۈچىنچى ئايلانمىغا كەلگەندە شاللىنىپ كەتكەن.گەرچە شاللىنىپ كەتكەن بولسىمۇ، ئۇ باھالىغۇچىلارنىڭ ۋە ئەتراپىدىكى كىشىلەرنىڭ ياخشى ئالقىشىغا ئېرىشكەن ۋە ئۇلارغا ئۇيغۇرلارنى تونۇتقان.


ئۇ تالانت سەھنىسىدىن كېيىن، ئوخشىمىغان تىياتىرخانىلاردا ئويۇن قويۇشقا باشلىغان. 2019- يىلى ئۇ «گۈلنىگار كۈندىلىك خاتىرىسى» ناملىق شەخسىي پروجەكتىنى باشلىغان. ئۇ بۇ نومۇرىدا ئۆزىنىڭ قانداق بولۇپ سېرىكچىلىكنى تاللىغانلىقىنى ۋە ھازىرقىدەك بىر سەنئەتكارغا ئايلانغانلىقىنى تەپسىلىي بايان قىلىدۇ. ئۇنىڭ بۇ ئويۇنىنىڭ بېلىتى سېتىلىپ بولدى (مۇبارەك بولسۇن!). ئۇ ھازىر بۇ ئويۇندىكى ھېكايىنى تېخىمۇ كېڭەيتىش ئۈچۈن تىرىشىۋاتىدۇ. گۈلنىگارنىڭ ئۇيغۇر سەنئىتى ۋە مەدەنىيىتىنى تېخىمۇ كۆپ كىشىلەرگە يەتكۈزۈش ئارزۇسى بار. بۇنىڭدىن باشقا، ئۇ يەنە ئۆز ئالدىغا سېرىك سىنىپى ئاچتى! ئۇنىڭ كۈندىلىك پائالىيەتلىرىنى YouTube قانىلىدا تۆۋەندىكى ئۇلىنىش ئارقىلىق كۆرەلەيسىز: ‏https://www.youtube.com/.../UCUQEaVi4lsxNuSNZLHecnWQ/videos.


ئۇ يېقىندا WeGhur ھېكايىلىرىنىڭ ئىككىنچى بۆلۈمىدە زىيارەت قىلىنغان بولۇپ، زىيارەت خاتىرىسىنى بۇ ئۇلىنىشتىن تاپالايسىز: https://www.weghurstories.com/episode-2


كەسپىي ھاياتىڭىزدىكى ئاجايىپ مۇۋەپپەقىيەتلىرىڭىزنى چىن كۆڭلىمىزدىن تەبرىكلەيمىز، گۈلنىگار!



Гүлнигар Наман һазир Норвегияниң Кристиансенда яшаватқан бир циркчи.


Униң циркқа болған қизиқиши бәш яш вақтидин башланған болуп, Шинҗаң Уйғур Аптоном Районлуқ цирк мәктивидә оқушқа киргән чеғидин башлапла бих тартқан. У мәктәптә оқуғандин башқа, үч жил әтрапида қошумчә мәшиқ дәрислирини елип кәспий цирк әртисигә айланған.


Кейин Гүлнигар алтә жил кәспий циркчи болуп ишлигән. Бу җәриянда групписидикиләр билән бирликтә "Яхшимусиз, Нәсирдин Әпәнди" намлиқ сәһнә театр әсирини иҗат қилишни қарар қилған. Нәсирдин Әпәнди болса Оттура Азия тарихидики қизиқ нуқта вә комедийилик шәхис болуп, бехил байлар, диний затлар вә һоқуқпәрәсләргә болған тәнқидий көз қариши билән җәмийәткә тонулған. Бу сәһнә театри илгири-кейин болуп 350 қетимға йеқин орунланған болуп, Шәрқий Түркистан ичидә даңқ чиқарған. Улар һәтта Бейҗиң, Шаңхәй вә Хоңкоңда оюн қоюш пурситигиму егә болған.


У 2011-йили Норвегияға кәлгән вә у йәрдә ярдәмчи оқутқучи болуп ишләшкә башлиған. Норвегияда өткүзүлгән кәң көләмлик бир оюнда номур орунлаш пурситигә еришкәндин кейин, у Норвегияниң 2014-жиллиқ талант сәһнисидә мусабиқисигә қатнишишқа тәклип қилинған. Униң оюн қоюштики муддиаси уйғурларни дунияға тонуштуруш болғачқа, униң кийим-кечәклиридә уйғур әтлиси, ишләткән музикилиридиму уйғурчә элементлар бар иди. униң орунлиған номурлиридин бирини бу улиништин көрәләйсиз: https://www.youtube.com/watch?v=64-AoKcoHXc

У бу мусабиқидә биринчи вә иккинчи айланмидин өтүп, үчинчи айланмиға кәлгәндә шаллинип кәткән. Гәрчә шаллинип кәткән болсиму, у баһалиғучиларниң вә әтрапидики кишиләрниң яхши алқишиға еришкән вә уларға уйғурларни тонутқан.


У талант сәһнисидин кейин, охшимиған театрханиларда оюн қоюшқа башлиған. 2019-нчи жили у "Гүлнигар күндилик атириси" намлиқ шәхсий проҗәктини башлиған. У бу номурида өзиниң қандақ болуп циркчилиқни таллиғанлиғини вә һазирқидәк бир сәнәткарға айланғанлиқини тәпсилий баян қилиду. Униң бу оюниниң белити сетилип болди (мубарәк болсун!). У һазир бу оюндики һекайини техиму кеңәйтиш үчүн тиришиватиду. Гүлнигарниң уйғур сәнити вә мәдәнийитини техиму көп кишиләргә йәткүзүш арзуси бар. Буниңдин башқа, у йәнә өз алдиға цирк синипи ачти! Униң күндилик паалийәтлирини YouTube қанилида төвәндики улиниш арқилиқ көрәләйсиз: https://www.youtube.com/.../UCUQEaVi4lsxNuSNZLHecnWQ/videos.


У йеқинда WeGhur һекайилириниң иккинчи бөлүмидә зиярәт қилинған болуп, зиярәт хатирисини бу улиништин тапалайсиз: https://www.weghurstories.com/episode-2


Кәспий һаятиңиздики аҗайип мувәппәқийәтлириңизни чин көңлимиздин тәбрикләймиз, Гүлнигар!

2 views0 comments