Search

Arafat Reshat: Pro Dancer



Arafat Reshat is a dancer who, together with his wife Gulnigar Naman, competed in Norway’s Got Talent’s 2019 semi-finals, where they showcased Uyghur dance, popping and acrobatics. Congrats! After competing on the show, he says he felt happiest when so many people came up to them to ask about Uyghurs and express their love for the music they used.


Arafat is also a dance teacher who taught hip-hop and popping at his own studio, Sawyer Dance Studio, before the pandemic hit and was forced to close. However, his passion for dance lives on. He began dance in his childhood, mimicking Michael Jackson. One of MJ’s dance teachers, Skeeter Rabbit, was in fact a pioneer and innovator of popping and boogaloo. He decided to learn to pop when he saw the Uyghur dance crew, DSP, performing at his school.


In Norway, Arafat, a.k.a. Sawyerpop, has performed and competed in various events and solo & team dance battles like Battle of the South, Stavanger Xplosif, and so on. He has also judged dance competitions on shows like Bits of Bots. You may even have seen him working his hip-hop moves into Uyghur music on Dilyar’s Meshrep Challenge from 2020!


For young dancers, his best advice is to create a good foundation. Once you have a solid dance foundation, it’s then crucial to build on it and develop your own unique style. And let your nerves be. Although Arafat used to get nervous before battles, he used that energy to work in his favour, allowing it to fuel practiced motions and focus on the moment.


Watch more of his dancing, dance battles, and choreography on his pages @sawyerpop and @sawyerpopk_


ئارافات رېشات بىر ئۇسسۇلچى. ئۇ ئايالى گۈلنىگار نامان بىلەن بىرلىكتە نورۋېگىيە تالانت سەھنىسىنىڭ 2019-يىللىق يېرىم ھەل قىلغۇچ مۇسابىقىسىگىچە قاتناشقان. ئۇلار ئۇيغۇر ئۇسسۇلى، كوچا ئۇسسۇلى ۋە سېرىك قاتارلىق نومۇرلارنى سەھنىگە ئېلىپ چىققان. مۇبارەك بولسۇن! ئۇنىڭ نومۇرىدىن كېيىن، نۇرغۇن كىشىلەر ئۇنىڭدىن ئۇيغۇرلار توغرىلىق سۇئاللارنى سورىغان ۋە ئۇلار ئىشلەتكەن مۇزىكىلارنى بەك ياقتۇرغانلىقىنى ئىپادىلىگەن. بۇنىڭدىن ئۇ بەك مەمنۇن بولغان.

ئارافات ھەم بىر ئۇسسۇل ئوقۇتقۇچىسى بولۇپ، يۇقۇملۇق كېسەل سەۋەبىدىن سىتۇدىيسى تاقىلىشتىن بۇرۇن ئۆزىنىڭ Sawyer سىتۇدىيىسىدە ئوقۇغۇچىلارغا كوچا ئۇسسۇلى ئۆگەتكەن. ھېچقانداق نەرسە ئۇنىڭ ئۇسسۇلغا بولغان ئىشتىياقىنى سۇسلاشتۇرالمايدۇ. ئۇ بالىلىق دەۋرىدىن باشلاپلا مايكول جېكسوننى دوراپ ئۇسسۇل ئويناشقا باشلىغان. مايكول جېكسوننىڭ ئۇسسۇل ئوقۇتقۇچىلىرىنىڭ بىرى Skeeter Rabbit ئەمەلىيەتتە كوچا ئۇسسۇلىنىڭ popping ۋە boogaloo دېگەن ئىككى تۈرىنىڭ ئىجادچىسى ئىدى. ئارافات مەكتىپىدە ئۇيغۇر ئۇسسۇل ئۆمىكى DSP نىڭ ئوينىغان ئۇسسۇلىنى كۆرگەندىن باشلاپ كوچا ئۇسسۇلى ئۆگىنىشكە بەل باغلىغان.


نورۋېگىيەدە ئارافات (Sewyerpop دەپمۇ ئاتايدۇ) ھەر خىل چوڭ ئۇسسۇل مۇسابىقىلىرىدە يالغۇز كىشىلىك ۋە گۇرۇپپىلار بويىچە مۇسابىقىگە قاتنىشىپ نومۇر كۆرسەتكەن. ئۇ يەنە Bits of Bots غا ئوخشاش پروگراممىلاردا ئۇسسۇل مۇسابىقىسىنىڭ باھالىغۇچى ئۇستازلىرى قاتارىدىن ئورۇن ئالغان. سىز بەلكىم ئارافاتنىڭ ئۇيغۇرچە مۇزىكىغا ئوينىغان كوچا ئۇسسۇلىنى 2020-يىللىق «دىليار مەشرەپ رىقابىتى» نىڭ ۋىدىئوسىدىن كۆرگەن بولۇشىڭىز مۇمكىن!


‎ئۇنىڭ ياش ئۇسسۇل مەستانىلىرىگە بەرمەكچى بولغان ئەڭ ياخشى تەۋسىيىسى بولسا پۇختا ئاساس يارىتىش. شۇ پۇختا ئۇسسۇل ئاساسىدا ئۆزىڭىزنىڭ ئۆزگىچە

ئۇسلۇبىنى يارىتىپ تەرەققىي قىلدۇرىشىڭىز تولىمۇ مۇھىم. ئۇنىڭدىن باشقا سەھنىگە چىقىشتىن بۇرۇن جىددىيلىشىپ كېتىش نورمال ئىش. ئارافات مۇسابىقىگە چىقىشتىن ئىلگىرىكى جىددىيلىكنى ئۆزىنىڭ ئۇسسۇلىدىكى ئاكتىپ ئېنېرگىيىگە ۋە كۈچلۈك ئۇسسۇل ھەرىلەتلىرىگە ئايلاندۇرۇپ مۇسابىقە مەيدانىدا زېھنىنى شۇ پەيتكە مەركەزلەشتۈرۈشنى ئۆزىگە ئادەت قىلغان.


ئۇنىڭ ئۇسسۇللىرى، قاتناشقان ئۇسسۇل مۇسابىقىلىرى ۋە ئىجاد قىلغان ئۇسسۇل ماھارەتلىرىنى @sawyerpop ۋە @sawyerpopk_ دىن كۆرۈڭ.



Арафат Решат бир уссулчи. У аяли Гүлнигар Наман билән бирликтә Норвегия Талант Сәһнисиниң 2019-жиллиқ йерим һәл қилғуч мусабиқисигичә қатнашқан. Улар уйғур уссули, коча уссули вә цирк қатарлиқ номурларни сәһнигә елип чиққан. Мубарәк болсун! Униң номуридин кейин, нурғун кишиләр униңдин уйғурлар тоғрилиқ соалларни сориған вә улар ишләткән музикиларни бәк яқтурғанлиқини ипадилигән. буниңдин у бәк мәмнун болған.


Арафат һәм бир уссул оқутқучиси болуп, жуқумлуқ кесәл сәвәбидин студийиси тақилиштин бурун өзиниң Sawyer студийисидә оқуғучиларға коча уссули өгәткән. Һечқандақ нәрсә униң уссулға болған иштияғини суслаштуралмайду. У балилиқ дәвридин башлапла Майкл Җексонни дорап уссул ойнашқа башлиған. Майкл Җексонниң уссул оқутқучилириниң бири Skeeter Rabbit әмәлийәттә коча уссулиниң popping вә boogaloo дегән икки түриниң иҗатчиси еди. Арафат мәктивидә уйғур уссул өмиги DSPниң ойниған уссулини көргәндин башлап коча уссули үгинишкә бәл бағлиған.


Норвегияда Арафат (Sewyerpop дәпму атайду) һәр хил чоң уссул мусабиқилиридә ялғуз кишилик вә группилар бойичә мусабиқигә қатнишип номур көрсәткән. У йәнә Bits of Bots-қа охшаш программиларда уссул мусабиқисиниң баһалиғучи устазлири қатаридин орун алған. Сиз бәлким Арафатниң уйғурчә музикиға ойниған коча уссулини 2020-жиллиқ "Диляр Мәшрәп Риқабити"ниң видиосидин көргән болушиңиз мүмкин!


Униң яш уссул мәстанилиригә бәрмәкчи болған әң яхши тәвсийиси болса пухта асас яритиш. Шу пухта уссул асасида өзиңизниң өзгичә услубини яритип тәрәққий қилдуришиңиз толиму муһим. Униңдин башқа сәһнигә чиқиштин бурун җиддийлишип кетиш нормал иш. Арафат мусабиқигә чиқиштин илгирики җиддийликни өзиниң уссулидики актип энергия вә күчлүк уссул һәрикәтлиригә айландуруп мусабиқә мәйданида зеһнини шу пәйткә мәркәзләштүрүшни өзигә адәт қилған.


Униң уссуллири, қатнашқан уссул мусабиқилири вә иҗат қилған уссул маһарәтлирини @sawyerpop вә @sawyerpopk_ дин көрүң.

5 views0 comments