Arafat Alim: Anesthetist & Community Builder



Though many may find him familiar because of “Uyghur Vines”, Arafat Alim is currently an anesthetist based in Colorado, USA!


After completing his bachelor’s degree, Arafat graduated with a Master of Science in Anesthesia from Case Western Reserve University. During his master’s program, he had both didactic and clinical training, completing between 1500 and 2000 hours of clinical skills in two years! He now works as an anesthesia provider, and is responsible for taking care of surgical patients during procedures. This includes administering anesthetic medications in surgery to ensure their comfort and safety.


In addition to his work, Arafat was involved in the development of the Uyghur United Football Club in Virginia, as well as organizing the Uyghur American Cup in 2015. This included gathering 150-200 Uyghur football players and spectators around the US to one location for the tournament. Since it has started, tournaments have been held in Virginia, Boston, Los Angeles, and San Francisco. This is a chance for Uyghur youth to not only engage in sports, but to exchange ideas and have discussions with other Uyghurs. In 2013, he also worked with Shirali Ada to start Uyghur Vines, which gained popularity in many Uyghur communities around the world!


One of Arafat’s goals is to gain more experience in his field of work and improve his anesthesia skills. He also hopes to raise his child to have an appreciation for their culture and identity, and to teach them the Uyghur language as well. In the future, he would like to start a podcast or YouTube channel for Uyghur youth to share their experiences in the USA, especially for those that arrived on their own.


His advice for youth interested in pursuing a career in the medical field is to research and learn about the various opportunities that are available. In addition to MD or DDS programs, he suggests looking into DO, physical therapy, physician assistant, and anesthesia programs such as C-AA or CRNA, as well as the many other programs that are out there.


Thank you for all that you do, Arafat!



نۇرغۇن كىشىلەر «Uyghur Vines» دىن تونۇغان ئارافات ئالىم ھازىر ئامېرىكىنىڭ كولورادو شىتاتىدا تۇرۇشلۇق ناركوز دوختۇرى!

باكلاۋۇرلۇقنى پۈتتۈرگەندىن كېيىن، ئارافات «Case Western Reserve» ئۇنىۋېرسىتېتىنىڭ ناركوزلۇق كەسپىدە ماگىستىرلىقنى تاماملىدى. ماگىستىرلىق ئوقۇشى جەريانىدا، ئارافات دىداكتىك ۋە كىلىنىكىلىق مەشىقلەرنى تەڭ ئېلىپ بارغان ۋە شۇنداقلا ئىككى يىلدا 1500 دىن 2000 سائەتكىچە بولغان كىلىنىكىلىق ماھارەت مەشغۇلاتلىرىنى تاماملىغان! ئۇ ھازىر بىر ناركوز دوختۇرى بولۇپ، مەشغۇلات جەريانىدا ئوپېراتسىيە بىمارلىرىنىڭ ھالىدىن خەۋەر ئېلىشقا مەسئۇل. ئۇنىڭ خىزمىتى ئوپېراتسىيەدە ناركوز دورىلىرىنى ئىشلىتىپ، بىمارلارنى راھەت ۋە بىخەتەرلىككە كاپالەتلىك قىلىشنى ئۆز ئىچىگە ئالىدۇ.


ئارافات ئۆزىنىڭ خىزمىتىدىن باشقا يەنە ۋىرجىنىيەدىكى ئۇيغۇر بىرلەشمە پۇتبول كۇلۇبىنى تەرەققىي قىلدۇرۇش ۋە شۇنداقلا 2015-يىلىدىكى ئۇيغۇر ئامېرىكا لوڭقىسى پۇتبول مۇسابىقىسىنى ئۇيۇشتۇرۇشقا كۈچ چىقارغان. بۇ 150 دىن 200 گىچە بولغان ئۇيغۇر پۇتبولچىلىرى ۋە تاماشىبىنلارنى ئامېرىكىنىڭ ھەرقايسى جايلىرىغا يىغىپ مۇسابىقىگە قاتناشتۇرۇشنىمۇ ئۆز ئىچىگە ئالىدۇ. ھازىرغىچە ئامرىكىنىڭ ۋىرجىنىيە، بوستون، لوس ئانجىلېس ۋە سان فىرانسىسكو قاتارلىق شەھەرلىرىدە پۇتبۇل مۇسابىقىسى ئۆتكۈزۈلدى. بۇ مۇسابىقىلەر ئۇيغۇر ياشلىرىنىڭ تەنھەرىكەت بىلەن شۇغۇللىنىپلا قالماي، يەنە باشقا ئۇيغۇرلار بىلەن پىكىر ئالماشتۇرۇش ۋە سۆھبەتلىشىش پۇرسىتىنى يارىتىپ بەردى. ئۇنىڭدىن سىرت، 2013-يىلى، ئارافات شىرئەلى ئادا بىلەن ھەمكارلىشىپ «Uyghur Vines» نى باشلىدى ۋە دۇنيانىڭ ھەر قايسى جايلىرىدىكى ئۇيغۇرلارنىڭ ئالقىشىغا ئېرىشتى!


ئارافاتنىڭ نىشانى ئۆز خىزمەت ساھەسىدە تېخىمۇ كۆپ تەجرىبە توپلاش ۋە ناركوز قىلىش ئىقتىدارىنى يۇقىرى كۆتۈرۈش. ئۇ يەنە بالىلىرىنى ئۆزىنىڭ مەدەنىيىتى ۋە كىملىكىگە مىننەتدارلىق بىلدۈرۈدىغان قىلىپ تەربىيلەشنى ھەمدە ئۇلارغا ئۇيغۇر تىلىنى ئۆگىتىشنى ئۈمىد قىلىدۇ. كەلگۈسىدە ئۇ ئۇيغۇر ياشلىرى ئۈچۈن بولۇپمۇ ۋەتەندىن ئۆز كۈچىگە تايىنىپ چەتئەلگە چىققان ياشلار ئ‍ۈچۈن ئامېرىكىدىكى كەچۈرمىشلەرنى ئورتاقلىشىدىغان Podcast ياكى YouTube قانىلى قۇرۇشنى نىشان قىلىدۇ.


ئارافاتنىڭ تېببىي ساھەسىدە كەسىپ بىلەن شۇغۇللىنىشقا قىزىقىدىغان ياشلارغا بەرگەن نەسىھىتى بولسا ھەر خىل پۇرسەتلەرنى ئىزدىنىش ۋە ئۆگىنىش. ئۇ ياشلارنىڭ MD ياكى DDS پروگراممىسىدىن باشقا يەنەDO ، فىزىكىلىق داۋالاش، دوختۇر ياردەمچىسى ۋە ياكى C-AA ،CRNA قاتارلىق ناركوز پروگراممىلىرى ۋە باشقا نۇرغۇن پروگراممىلار توغرىسىدا ئىزدەشنى تەۋسىيە قىلىدۇ.


ئەجرىڭىزگە رەھمەت، ئارافات!



Нурғун кишиләр "Uyghur Vines"дин тонуған Арафат Алим һазир Америкиниң Колорадо штатида турушлуқ наркоз дохтури!


Баклаврлиқни пүттүргәндин кейин, Арафат "Case Western Reserve" университетиниң наркозлуқ кәспидә магистирлиқни тамамлиди. Магистирлиқ оқуши җәриянида, Арафат дидактик вә клиникилиқ мәшиқләрни тәң елип барған вә шундақла икки жилда 1500-дин 2000 саәткичә болған клиникилиқ маһарәт мәшғулатлирини тамамлиған! У һазир бир наркоз дохтури болуп, мәшғулат җәриянида операция бимарлириниң һалидин хәвәр елишқа мәсъул. Униң хизмити операцияда наркоз дорилирини ишлитип, бимарларни раһәт вә бехәтәрликкә капаләтлик қилишни өз ичигә алиду.


Арафат өзиниң хизмитидин башқа йәнә Вирҗинийәдики уйғур бирләшмә путбол клубини тәрәққий қилдуруш вә шундақла 2015-нчи жилидики уйғур Америка лоңқиси путбол мусабиқисини уюштурушқа күч чиқарған. Бу 150-дин 200-гичә болған уйғур путболчилири вә тамашибинларни америкиниң һәрқайси җайлириға жиғип мусабиқигә қатнаштурушниму өз ичигә алиду. Һазирғичә Америкиниң Вирҗинийә, Бостон, Лос Анҗилес вә Сан Франциско қатарлиқ шәһәрлиридә путбол мусабиқиси өткүзүлди. Бу мусабиқиләр уйғур яшлириниң тәнһәрикәт билән шуғуллинипла қалмай, йәнә башқа уйғурлар билән пикир алмаштуруш вә сөһбәтлишиш пурситини яритип бәрди. Униңдин сирт, 2013-нчи жили, Арафат Ширәли Ада билән һәмкарлишип "Uyghur Vines»-ни башлиди вә дунияниң һәр қайси җайлиридики уйғурларниң алқишиға еришти!


Арафатниң нишани өз хизмәт саһәсидә техиму көп тәҗрибә топлаш вә наркоз қилиш иқтидарини жуқири көтүрүш. У йәнә балилирини өзиниң мәдәнийити вә кимлигигә миннәтдарлиқ билдүрүдиған қилип тәрбийләшни һәмдә уларға уйғур тилини үгитишни үмүт қилиду. Кәлгүсидә у уйғур яшлири үчүн болупму Вәтәндин өз күчигә тайинип чәтәлгә чиққан яшлар ‍үчүн Америкидики кәчүрмишләрни ортақлишидиған Podcast яки YouTube қанили қурушни нишан қилиду.


Арафатниң теббий саһәсидә кәсип билән шуғуллинишқа қизиқидиған яшларға бәргән нәсиһити болса һәр хил пурсәтләрни издиниш вә үгиниш. У яшларниң MD яки DDS программисидин башқа йәнә DO, физикилиқ давалаш, дохтур ярдәмчиси вә яки C-AA, CRNA қатарлиқ наркоз программилири вә башқа нурғун программилар тоғрисида издәшни тәвсийә қилиду.


Әҗриңизгә рәһмәт, Арафат!

2 views0 comments

The Tarim Network is a registered charity based in London, United Kingdom.

We are a family of passionate individuals creating a platform to unite, inspire and advance the Uyghur youth community around the world. 

 

Our mission is to create a global Uyghur youth community that inspires and cultivates excellence while providing cultural and social enrichment for its members. 

UK Registered Charity number 1184295

  • Grey Instagram Icon
  • Grey Facebook Icon
  • Grey LinkedIn Icon
  • Twitter
  • YouTube